GRUPPO CANTIAMO SOTTOVOCE
Musica popolare da oltre 45 anni

 

 

IN RICORDO DI ANGELO FRIGERIO

di Andrea Zanini

 

Scrif o lasà sta,
Forsi sares mei tasé,
Pecaa, parché dopu...
i restares dumà pensé.

U decidüü da scrival in dialett,
Certament al sarà mia perfett,
Mett gio do rig in rima,
Anca se a scöla sevi mia na scima.

Ghemm bisogn tücc d'un maestru da nac a dree,
che al ma trasmeta la vöia da fa, e da savee.
L’amur par la téra, par i associazion di paisan
rop pratic, autentic, nustran.

Da pinin, l’u pena cugnusüü,
podi mia di tanti ropp,
sentivi la sua passiun,
che certament al ma trasmetüü.

Tanti i mezi d’informaziun,
giurnai, radio e televisiun.
Al gh’era na gran cultüra,
mi podaru mai vess ala so statüra.

I sò prezius insegnament,
dala scöla al lavur,
i’è stai ütii par tanta gent.
dai paisan, fin ai dutur.

Rispetà e cultivà la téra,
e truvà in di cicli da la natüra,
una soluziun vera,
quela giusta ad ogni ura.

Pürtropp o par fortuna, tüta la gent
def lasaa stu munt un quai mument,
ma se ghem vita a scampà,
podarem forsi anca nüm come lü,
lassa n’imprunta in sta società.

Speri sa sia ofendüü nisün,
da ve fai sta breve oraziun.
L’o faia anca par i nos vecc,
che incöö dismentigum tropp da spess.